black sheep-2

Ba_Ba_Black_Sheep

       Dark Romance Loan Sharking

     Mafia King________Mafia Princess

   A love between long lost best friends              

          #Friends #Jealousy #Lovers

                         ~~Cck Lalchhuanawmi

Chapter-2

A kutzungpui chu ka kâ chhungah a awm a, min thunun a ni! 

A bulah min ṭhuttir a, Queens thlen hma zawng ka be lo. Zahthlak ka ti ngawih ngawih, a mi thlêm dan lah chu, ka hmangaih tih hre ru ang maiin a che.

Ka hmangaih tih hi a hre tur a ni lo, ka intimualpho tawh hek lo ang.

Queens kan thleng a, Zanlaiah min bazarpui. Shopping Mall Building pakhat chu, chim buaitu mipui an awm loh nan a ni. Chumai a ni lo, min bazarpuina Shopping Mall hi a kutah awm a ni bawk.

Mafia, Black Sheep King a nih bakah, sumdawnna pakhat Loan Sharking buaipuitu ber a ni bawk. Zeph-a hnena Loan an pûk an rulh theih loh avanga hetia, Mafia kuta awm ta hi a ni.

"Ash, i duhzâwng apiang i thlang thei", a ti a. Hnial ka tum lo, nuam ka chên a ni ringawt. Floor tinah Restaurant awmin, ka ei duhzâwng lamin ka ei nghek zel bawk.

Zeph chuan min thlir ringawt bawk a, eng han sawi nawi a tum lo. Bazar zawhah Resort-ah kan kir. He Resort pawh hi a ta a ni a, a Resort dang ang lo takin a reh. Hnathawktu bak an awm lo.

Ka mutna room-ah ka luhsan daih a, room pawnah Jessica leh mi pahnih dang an ding khawng at reng.

Beatrix nen inbiaiin, "I rawn kal ang tiraw? I rawn kal loh chuan ka mal dawn, rawn kal hram rawh", ka ti a. A rawn thaw hap, "Spain-ah Lehkha zir turin ka kal dawn. Ṭhian hlui inhmuh khawmna mai a nia, Party pui tham a ni hleinem",

"Ṭhian hlui inhmuh khawmna mai mai a? Eng nge awmzia?", ka ti hlut. Beatrix chuan, "Sicily-a in lehkha zir laia in ṭhian ho mawle. Zeph khan a sawi lo em ni? Ka tel ve thei hleinem", a ti a.

Party pui tham tak turah ka ngai a, ṭhian hlui inhmuh khawmna tur mai mai maw lo ni. Zeph hian ka hmangaih tih hriain, min chhaih kual ni ber hian ka hre tawh.

Ka bulah Jessica awm rengin, Anna aiin a tawrhhlelhawm tehchiam loh. Anna ka duh zâwk, ka ring ngam zâwk bawk.

Zeph nen Breakfast kil dunin, "Zawh duh che ka nei", ka ti a. "Ka ngaithla alawm", a ti sup.

"Haw lam hi, min thlah dawn em?", nui lui chungin ka ti a. Ka hlim thei thlawt lo. A chhan lah ka hre lo.

Zeph chuan, "Nangmaha hawtir che ka tum lo, ka thlah ang che", a ti a. A nelawm loh ve ngawt mai. A danglam tak em em chhan hi hriatthiam a har. "Zeph, zawh tur che ka ngah asin, chhânna dik min pein ka ring bawk si lo. Ka zawt lo mai ang che",

"Thil pakhat i hria em, danglam tawh tak i ni", a ti chu, ka nui sak. Amah zâwk hi nia, danglam chu. A inhre lo mai pawh a.

Zeph bawk chuan, "I hmelṭha tawh hle bawk", kiai sakin min en. "Hmelṭha min tih ngai loh kha, hmelṭha lo kumkhua turah min ruat a ni lawm ni?", ka ti ngat.

Hmelṭha min ti ngai lo, a hmuha lan mawi tuma ka beih nasat nen. Tunah chuan, lan mawi ka tum tawh lo.

Zeph chuan, "I hre sual a nih chu", kiai sakin a ti a. Ka nui vel mai mai tawh. Thaw chhuak hawkin, "Ash, i danglam takzet tawh a ni, i inthlak nasa hle mai. I thinlung hliamtu mipa i tawng ta em ni le?", a ti a. "Nangmah mawle", tih ka duh rum rum.

"Kei aiin i inthlak nasa a, i danglam bawk. Min puh thluk i tum a, i phakar reuh em mai. Ka puar e", ka thawhsan.

Beatrix pov...

"Sawi rawh le", Ashley chungchang bak a sawi leh dawn lo.

Rin ang ngeiin Unaupa chuan, "Swimming Pool bulah ṭhuin Juice a in mêk. A nunah mipa an awm lo tih i chiang meuh maw?", a ti a. 

"Chiang lo. Mipa an awm ngei alawm, tu nge ka hre lo. Min hrilh duh si lo a, a inthup thei em a ni. A thuhrimah, khatia Darthlalang aṭanga thlir lo khan va pan ta che, a bulah ṭhuin be tam la. Hma lâk i tum a ni lawm ni?", a thaw hulh.

Tihluihna hmang lo turin ka thlêm thei hram, Zeph-an amah hmangaih lêt thei tura a nghaisa tur ka ngaingam lo. Hetiang reng a nih a, Ash-in a hmangaih lêt thei lo a nih phei chuan, tihluihna a hmang duh tak tak mai ang.

Zeph-an, "A bulah ka ṭhu ang maw?", rawn ti lehin, "Ṭhut loh ten, va ṭhu rawh. Duhsakna ka hlan a che, Spain-a min tirtu i ni hi ka hre reng ang. I hre khawp ang, Ashley bulah i hmangaihna chhâng lêt lo turin ka fuih nasa dawn", ka ti a. Phone ka off.

Ṭanpui theih dan ka hre bik lo, Ash chuan hmangaih dang a nei mawnile? Nei tase, tu nge ni ang aw? Zeph chu han buai ve teh se, Spain-a awm ka va han peih lo tak.

Ashley pov...

Nilêngin kan inbe lo ti ila a sual lo. Kan inkarah hian eng nge thleng pawh ka sawi thei lo.

Party-naa kal turin ka insiam fel tawh a, Zeph-a min koh hun chauh ka nghak tawh. Pencil Heels dum sâng tak bunin, Kawrfual dum, a kâwng aṭanga arh thla ipte nei leh bawp veilam lang thla vek tura kak; dar bah sin tak leh âwm heart shape ka ha.

Zanin chu, Ṭhian hlui inhmuh khawmna chauh a ni bawk a. Roxanne a awm dawn lo. Ka'n che na viau teh ang.

"Ash, i inpeih tawh em? Kal a hun tawh e", Zeph-an a rawn ti a. "Ka rawn chhuk ang", tiin, minute nga ka innghahtir. Room aṭanga chhuakin, veilama purse kengin dinglamin ipte ka zen. Stair-ah chhuk thlain, mak ti zetin Zeph-an min thlir. A makna vak a awm lo.

Ani pawh, Tuxedo nen a ni zaih tawh. Tuxedo nena ni zaih reng a ni tho a. Zanin zet erawh, Tuxedo a mawipui hliah hliah.

Zeph chuan a kut rawn pharin, "Kan tlai lo turah ngai ang", a ti sup a. Ka kut pein, "Black Sheep King nghah man a awm thung dawn alawm", melh ralh pahin ka ti a.

Party-na hmun tur kan pan. Ṭhian hlui inhmuh khawmna tur a ni a, nervous lo tak ka ni. Roxanne a awm dawn tlat lo. Rawn inrawlh duk duk lo se a ṭha a ni mai.

Hall zau taka luh hmain, "Restroom-a kal lawk ka duh", ka ti a. Zeph-an, "Ṭhian hlui inhmuh khawmna a nih hi, nervous-na tur a awm lo", a ti ta. Thaw halhin, "Mi pawimawh tak tak emaw tih laiin, sawi ṭhat tur che alawm",

"I kal duh dawn lo tih ka hriat avanga hrilh lo che ka ni. Lut ang",

"Restroom-ah ka kal dawn, lo va lut rawh", ka ti a. Jessica-in ka hnung a dawl. Darthlalang hmaah dingin, ka nui ver ver. Zanin chu, nuam thei ang berin le.

Sicily-a lehkha ka zirpui hlui te an ni dawn a, khatih lai khan tun ang hi ka ni lo. "Mafia Princess zinga hmelchhe ber i ni, i nalh si lo", tiin min chhaih ṭhin. Zeph kha ka bulah a awm tlat ṭhin a, amah avangin chhaih ka hlawh vak lo. Chumai ni loin, mahni kea ding turin min zirtir, a zarah min chhaihtu te insualpui ka ngah.

"Nunrawng", tia hriat ka ni ta zâwk a, "Hmelchhia", tia chhaih ka ni tawh ngai lo, min hlau tawh.

Zeph ka hmangaih a, hriat pawh a hre lo. "I hmelṭha tawh lo ang", tia min nuihsawhna kha, mi dangin min nuihsawhna aiin na ka ti a. Tluk chhiat nan ka hman phah reng bawk.

A hre lo ang, hmelṭha min tih theih nan Plastic Surgery tih ka tum hman. Octavia-in min dang tlat lo se chu, Plastic ka inbel dawn a ni reng. Tunah, hmelṭha min tiin, danglam leh inthlak nasa min ti bawk. Ka pawm alawm, mahse, ka lawm hauh si lo.

Restroom aṭanga chhuakin, Jessica-in kawngka a hawng a, ipte zen lut fel thânin leh hawi sâng vahin ka lut. Zeph ka hmu lo.

Isabel hmel ka hmu zat, ani pawhin kâ hoin min en. Inkuahin, "Ashley, i ni tak tak em?",

"Isabel i ni zâwk em?", ka ti a. Kan pahnihin kan inkai deuh chawt. Ṭhian hlui te nen chuan inchibaiin kan han ri mam mam ṭan ta a. Wine-te dawmin, thil hlui kan sawi chhuak a, kan nui bâwk bâwk a; kan chet chhiatna sawi nuam kan ti ber.

Isabel-i leh Alessandro-a te nen kan pathuma dingin, Champaign No kan dawm. Isabel-in, "Tu rualin nge i lo kal?", a tih chuan, "Keimahin, Email ka dawng ve alawm", ka ti a.

Zeph-an dâwt sawiin min hruai tih sawi ka duh lo. Alessandro-an, "Chuti maw? Zeph-an Email thawn lo tur che leh, a hruai tur thu che min hrilh avangin Email ka thawn lo che kha a nia. A lo hruai nange che?", a ti ta mai.

"Eng maw i sawi? Zeph-an min hruai dawn a ti maw?", ka ti hâ. "Dâwt i sawi lo tiraw? A nih, Ashley hi engvanga mahnia lo kal nge a nih?", Isabel pawhin a ti.

Ka hawi kual a, Zeph ka hmu mai thei lo. Alessandro-an, "Ka'n chhuahchhal ang nge. Engpawh nise, zanin chu nuam thei ang berin hmang ang u. Takah, zanin hian Reunion Queen nihna Crown tuin nge khum ang aw", a ti vawng vawng.

Isabel-in, "Ashley hian mawle. Hmuh theiha a danglam nasat zia hi, tumahin kan tuk lo", a ti a. "Crown khum tur ka ni lo, kei aia phu an tam alawm", tiin ka hnial.

Crown khum duh avanga inthlak danglam ka ni lo. 

Isabel-in, "En teh u, Zeph leh Miranda-te saw, Room lamah han tirchho mai teh ang u hmiang", nui rah rahin a ti a. A kâwk a, Zeph chuan Miranda kâwng thlang hratah kuahin, an infawp lo chauh a ni e. Ka Wine ken ka tlak pawp.

Waiter trai chawi ami Martini lain ka tlak leh pawp a, "Ash, duhtawk rawh. A la hma em mai", tiin min dang. Wine zâwk min pe.

Alessandro-an, "Zeph, Miranda nen khan han awm bo lawk ta che u", nui huah huah chungin a ti a. Nui har harin Miranda-in, "Ka thlêm mêk a ni e", a ti ve bawk.

Ka hawisawn hmak a, Zeph-an nuam a ti dawn em mai. Awm bo teh se.

Wine chu tlak leh pawpin, kan dinna hnunga dawhkana Vodka banin ka tlak leh pawp. Alessandro-an, "Ash, duhtawk teh", tia, Vodka dang tlak leh pawp ka tum chu, ka Vodka ken min chuh a tumna lamah a Wine ken thlauhin ka bawp veilamah a luang thla.

Alessandro-an, "Ash, pawi ka ti lutuk, khawmaw?", tia, a rawmawla ka bawp hruk tuma a kun chu, Zeph-an a nghawngah a rêk, ka bawp chu a Kawrchungin a khuh nghal bawk. 

"Zeph, eng nge maw i tih le?", Zeph chuan a thlah a. A kawrchung pe lêtin, "Aless, i ṭha maw?", Zeph-an a rêhna ka tawk.

Zeph-an a lama min pawt chu ka melh nghek, "Ka ṭha. Vodka i nam vek dawn a nih kha", a ti a. "Zeph, i che mawi lo khawp mai. I pawi ka sawi si lo", a ti leh.

Ngaihdam dil a tum lo nasa mai, "A dik. Zeph, ngaihdam dil rawh", ka ti a. Ka bawp chu a rawmawl phawrhin a hru. Ka awm sawn, "Zeph, Alessandro hnenah ngaihdam dil rawh", a rum nghut.

Isabel-in, "Boruak a chhe vek dawn a nia", a ti sap. Miranda chuan Zeph ban rawn kuahin, "Buaina a awm deuh mi?", a ti nô nghalh. Ka chhir zawt chak a nia.

"Zeph, ngaihdam dil rawh ka ti. I dil lo a nih chuan ka ṭhian nihna aṭangin ka bân ang che", ka ti hmak. "Engthil nge thleng?", Miranda lahin a ti chung.

Hneawm hian a, a hmel hian ka pawi a sawi.

Zeph ka hrechiang a, tu lakah mah tlawm tum lo, inphah hnuai tum lo mi a ni. "A aiawhin ngaihdam ka dil e. Ṭhian mawl tak ka nei a, ka buai phah ta a nih hi", ka ti ta a.

Alessandro chuan, "Ka hria alawm, Ṭhian mawl tak i neih man hi i la tuar zel ang. Ngaihdam dil ka phut lo, ka uang a nih kha. Vodka rim a reh har asin", ti pahin, ka bawp a rawn tawk lek.

Zeph chuan ka dara hmerin Hall aṭangin min chhuahpui ta. "Zeph, min thlah rawh", ṭang vak ka nih avangin min thlah chu ka tlu chiang kher asin.

Ka inring hman lo, ka ke veilam vuanin min hnuk! "Zeph, min thlah rawh", ka au vak. "Kei tih lohin an khawih che a thiang lo", tiin a phun hluk a, min pu lawkin, Swimming Pool-ah min paih.

Tui chên ka thiam avangin buaina ka tâwk lo, Pool kotlangah ṭhu hniamin, "I harh em?", min tih chu.