MALSAWMSANGI-11

MALSAWMSANGI

MALSAWMSANGI-11
Ziaktu: Cck Lalchhuanawmi

          " Tluang, i tha tak tak maw? ", Sawmtei chuan Vanneitluanga'n a kàwng a dawm vang vang a hmuh chuan a ti a. 
       Vanneitluanga chuan, " Aw, ka tha lawm lehkha zir rawh", a ti a. 
     " I kàwng chu damdawi ka lo hnawihsak ang che aw"
      " A ngailo ka tih chu, lehkha kha zir tawh zawk rawh; exam naah i titha lo ang e
       " Tiraw ka Duatpui, anu hi a pass lo chuan e... A pa nen hian kan vaw hrep ang tiraw", Vanneitluanga chuan a fapa muhil tawh chu a bia a bia a. 
       Sawmtei chuan a nuih ver ver a. Chutah, " I Duatpuia pawh a muhil tawh a, nangpawh muhil ve tawh rawh, min menpui ve ziah mai
     Kei lah ka lo mengrei thin a, chhun lamah hna i thawk hah thin bawk nen, chuvang chuan mu hma ve thin rawh; i chau chhe lutuk palh ang e", a ti a. 
      Vanneitluanga chu Sawmtei lehkha zirna bulah chuan va thutchilh lehin, " Le, zir tawh rawh le; i muthlu tur lo ven che hi nuam ka ti lawm", kiai suk chung hian a ti a. 
*******
       Dindini'n Sawmtei exam zo, a haw lam a hmuh chuan Damdawi in kawt atang chuan a au lang lang a. 
     " Exam i titha em? "
   " Aw, titha ve e"
    " Subject khat chiah tiraw i hmabak tawh? " Dindini chuan a ti a. 
      Sawmtei chuan, " Aw, pakhat chauh ni tawh. Chuan maw, hrilh che ka chak tawh lutuk"
     " Aw sawi rawh "
     " Exam zawh ni ni 30 khi ka piancham a nia"
      Dindini chu a au thawt mai a, " Kan lawm dawn em, awi; van nuam dawn ve exam zawh ni leh piancham ni bawk, lawm ngei ngei chi", a ti hluai mai a. 
       Sawmtei chuan, " Ka hre lo le, Tluanga pawh ka la hrilh lo", a ti a. 
      Dindini chuan, " Hrilh ngei ngei rawh, mahse; kei aiin a thlain i upa kher a", a ti a. 
    " Kei chu june thlaah khian nia nang chu march, a inthlauh dan chu... April emaw february tal ni ve se" , Dindini chuan a tih zawm leh a. 
       Sawmtei chuan  nuih sang chung pah hian, " A ho lutuk, kum khat chhuak kan nih tho hi maw...Ka thian, ka tawng che hi ka lawm lutuk ringawt", a ti a. 
      Dindini chuan, " Keipawh ka lawm, mahse; nurse i lo zir ve hunah chuan ka junior i ni dawn a, a nuam dawn lutuk ka inla khirh ngawt ang", khi ver ver chung hian a ti a. 
        Sawmtei chuan, " Ka hek thin che ang a ni mai", a ti ve a. Chutah, " Anih ka haw tawh mai ang, Chhantea a lo tleilo lutuk palh ang e; a pi leh pute a lo tihah lutuk palh ang", a ti a. An inthlah liam ta a. 

      
        
       


    

  
      
  
    
      
      

Comments

Post a Comment

Popular posts from this blog

MALSAWMSANGI-3

Image
MALSAWMSANGI MALSAWMSANGI-3 Ziaktu: Cck Lalchhuanawmi          " Ka ei dawn lo ka tih chu", tih pahin dawhkana ei tur awm ho chu Sawmtei chuan a hnawl thla vek mai a. Chutah, pindanah tlan lutin na tak in pindan kawngkhar a khar ri thuai mai a; Vanneitluanga a phu zûk!               A hmai lukhamah phúmin a tap vak vak mai a. Zanin chu a lungchhiat a zual leh tlat, harhfim kàk lai nei lo a zú rim a nam reng thin vangin a thinrimna a thar leh; chu lohah zanlaiah " Rose" tia auchhuah a ching lehnghal!                Vanneitluangan chaw a ei luih tir thin vang erawhin tlem tlemin a ei ve mai thin bawk a, mahse; Sawmtei hna erawh tah nilena, achanga," Ka hua che ", tia Vanneitluanga aukhum nghék a ni leh mai. Engtiang chiaha Ramzotlanga awm nge an nih pawh chiang taka hriat mumal  a nei lo.,kar khat dawn lai chu an awm ve tawh a; Lunglei daih lehnghal!    ...
Read more

THAWNTHU____ Short_Story Ziaktu: Cck Lalchhuanawmi

Image
THAWNTHU___Short_Story  Ziaktu: Cck Lalchhuanawmi  Biak In chhungah chuan muangchangin an lut zel a, a nuta neihchhun kut a vawnna chu a nghet sauh sauh a; chutin a pangpar ken pawh a hmer ngawt ngawt. Hei hi an THAWNTHU intanna tura a lo suangtuah thin kha a ni a, Maicham hmaah chuan tlangval hmeltha tak leh chhelo tak hi nui sang chung hian a lo ding vang tawh mai bawk a. Vawiin zet chu nidang zawng aiin mo neitu chungah mit a fu leh thup zual ngei ang.  Tetei ke pen lai chu chawl thutin, mo neituin nghakhlel taka mo lo thlen hun thlira maicham hmaa lo ding reng chu a thlek ngawih ngawih ringawt mai a. A uin han pawh kal a tum pawh chuan a che chang eih lo a; " Tete? ", zawi sapa a uin a kohna pawh chu bengkhawn awm ang pawhin a lang lo. Mo neitu ringawt chu a thlek tawn sek mai a ni.  Ni e, hun reilote hnua a pasal ni mai tur chu a hmeltha takzet alawm; nula tam takte duhthusam kha a ni miau a, Tetei pawh hian chu chu a hai bik lo; amah taka pawh hian ...
Read more

MALSAWMSANGI-2

Image
MALSAWMSANGI-2 Ziaktu: Cck Lalchhuanawmi         Sawmtei'n " pawngsual" tia a lo tawng chhuah leh takah chuan, Khuavang kal lai kawng an kian ta emaw tih turin ; a reh thuap ta mai a. A hnu deuhah erawh Sawmtei nu chuan a fanu chu kuah thlawpin a tah khum nasa ta mai a.             Engmah a hrilh loh vang chuan a hau mawlh mawlh pah a. Mahse, thil pakhat hriat ngai a la awm tlat. Sawmtei chunga thil thalo tak titu chu!               An zawt nawn leh a, Sawmtei nu pawhin a fanu chu zaidam takin a be thei ta a. Thuchiang engmah hre lo a, kut hial a lo thlak te chu inthiam lohnain a khat nghal a.               Sawmtei pawhin chutia tantu nei tawha a inhriat takah chuan,a chunga thil thalo tak titu sawichhuah tuma kà a'n ang chiah tihah chuan,Tu emaw , rúi chhe lutuk tia sawi tur ni chiah silo; harhfím kàk tia sawi tur pawh ni chuang silo, mit sen deu...
Read more