MALSAWMSANGI-12

MALSAWMSANGI

MALSAWMSANGI-12
Ziaktu: Cck Lalchhuanawmi

         " Apa Duatpuia chu tap tawh lo la, apa lo haw tep tawh ang", tiin Sawmtei chuan a fapa tap chu a thlem a. 
      Nu Mamuani chuan, " Khawi keiman ka lo thlem ve ang e, apa pangti lum a hre reuh a; a buaithlak duh thin khawp mai", a ti a, an inhlan a. 
     " Tlaiah khan a lo haw tawh amaw ka tia, khawiah nge a kal leh a", pa Rema chuan a lo ti a. 
     Sawmtei chuan, " Aw, lo haw alawm, chaw ei turin ni ber ang, ' kan hna a laklawh lutuk a, kan rei lo ang' a ti a, a chhuak leh ta lawm le", a ti a. 
        Pa Rema chuan, " A nih tak chu mawle, hei dar sarih lai a ri tawh sia naktuk exam i nei bawk nen, zu chhuk la lehkha zu zir tan tawh rawh; Chhantea chu apa lo haw hma kan lo awmpui ang e", a ti a. 
      " A nih chuan ka rei lo ang, ennawn chauh a ni tawh mai, Tluanga pawh a lo haw har vak ka ring tawh lo", Sawmtei chuan a ti a. 
     " Aw zu zir rawh, apa lo haw chu a hriat theih em mai; a fapa hi lawm a auh hmasak ber thin le",  nu Mamuani chuan nui var chung hian a lo ti a. Sawmtei chu a chhuk ta a. 
*******
       " Ka nu, Tluanga hi a lo haw har tawh em mai; ka ngaih a tha lo tlat", Sawmtei chuan a ti a. 
     Pa Rema chuan, " Ni e mawle, dar sawm a ri hnai tawh reng mai", a lo ti hluai a. 
     Sawmtei chuan, " Ka va hmuak teh ang, ka ngaih a tha thei tlat lo", a tih chuan nu Mamuani chuan, " A khai, tihian inah ngaihtha deuhin awm phawt mai rawh, hmeichhia mahni chauha chhuah chu a tha lo, zan a rei ve angreng tawh si", a lo ti thuai a. 
        " Engtin mah ka awm lo ang", tih pah chuan Sawmtei chu a chhuak nghal a, Vanneitluanga lo kal hna hna chu a hmu nghal a. 
       " Tluang", a pan nghal vat a. 
    " Awi, ngati nge i hmai chu... A va duk cher chur ve
    In insual a mi? 
    I rui lo  tiraw? 
    Ngati nge i lo haw har em em a? 
  Kha, i hmui sir te kha a thi a nia; a na em? ", Vanneitluanga hmai khem nuai a hmuh nghal avangin zawhna a zawt mawlh mawlh nghal a. 
      Vanneitluanga chuan Sawmtein a hmai a khawihna a kut chu lo man sakin, " MalSawmsangi? "
      " Aw, sawi rawh"
    " Tunah khan min ngaihtuah hmel i pu,a dik em? "
     " A, aw; ih... Ngaihtuah ang chu...Chhantea a tlei tha duh lo lutuk lawm, nangman i awm hneh si a; kan ti mu thei hram lawm, i lo haw har lutuk a", Sawmtei chuan a ti a. 
      Vanneitluanga chu thaw chhuak hawkin, " A tha lawm, anih chuan ka lo haw tawh e; ka Duatpuia chuan min lo ngai hle nih dawn chu", a ti a. 
*******
       " I inthlak zawh tawh chuan i hmai kha hei vur hian dep rawh aw, a zia deuh ang; chuan i hmui kha damdawi ka lo hnawihsak ang che ", Sawmtei chuan a ti a. 
    Vanneitluanga chuan, " Keiman ka ti thei alawm, lehkha zir leh tawh zawk rawh; min lo nghak lo khan lo zir tur alawm", a ti a. 
      " I lo haw hma khan ka zo tawh alawm, khaw maw damdawi ka lo hnawih ang", a ti a. 
     Vanneitluanga chu khum chungah chuan thuttirin damdawi chu a hnawihsak a. Vanneitluanga chu a then sak a. 
     " A na viau a mi, ka tihpalh lutuk"
     " Aih na lo e, thil dang a na zawk"
   " A ni maw, vur ho kha a tui tawh a mi? ", Sawmtei chuan a ti a. 
     Vanneitluanga chuan, " Aih tui lo e", tih pah chuan Sawmtei kut chu a lúng zawnah chuan nghatin, " Helai hi a na ngawih ngawih a, a tui zo vek". 
     Sawmtei chuan ngawi rengin a en tlawk tlawk a. A hnu deuhah nui deuh chung hian, " I va ho reuh tak e", a ti hlak a. 
     Vanneitluanga chuan, " Malsawmsangi, pangngai deuhin lo intawng ve ila tiraw, mahse; pangngai deuha kan intawn chuan ka  bulah i awm thei dawn si lo a", a kiai suk a. 
     Sawmtei chuan chhan dan tur hre lo chuan a ngawi reng a, Vanneitluanga chu a en  reng mai a; a mit a en chuan natna thuk tak hmu tlat hian a inhre bawk a. 
      Chutah Sawmtei chu khum atang chuan thoin, Vanneitluanga hnungchhawn zawng chuan dingin, " Chutiangte ngati nge i sawi a? " , a ti a. 
       Vanneitluanga chuan va kuahin Sawmtei darah chuan a khabe a nghat a. 
    " Malsawmsangi"
    " Aw sawi rawh"
   " Malsawmsangi"
 " Tluang, i tha tiraw, zanin i awmdan hi ka ngaih i titha lo; ngati nge tiang hian i awm teh thut a? ", a mittui a luang thla ngiai ngiai a, tap lo turin a inpet tan tan bawk a. 
     " Naktuk i piancham tiraw kha? ", Vanneitluanga chuan a ti a. 
    " Aw", Sawmtei a ti a, a mittui a hru zeuh a. 
" Anih chuan, lawm ang aw", Vanneitluanga chuan a ti a. 
   Sawmtei chuan, " Naktukah sawi tha zawk ang hmiang, mut i mamawhin ka hria", tih pah chuan Vanneitluanga'n a kuahna ata chu talchhuah a tum a. 
     Vanneitluanga chuan kuah bet zual sauhin, " Reilote chauh aw, khawngaihin; reilote chauh"... 

***NGAWIH RENGNAAH HIAN SAWI CHHUAH HARSA TAK CHHANNA A AWM CHAWK***


      

     
        
    
     
     
      
           
       

Comments

Post a Comment

Popular posts from this blog

MALSAWMSANGI-3

Image
MALSAWMSANGI MALSAWMSANGI-3 Ziaktu: Cck Lalchhuanawmi          " Ka ei dawn lo ka tih chu", tih pahin dawhkana ei tur awm ho chu Sawmtei chuan a hnawl thla vek mai a. Chutah, pindanah tlan lutin na tak in pindan kawngkhar a khar ri thuai mai a; Vanneitluanga a phu zûk!               A hmai lukhamah phúmin a tap vak vak mai a. Zanin chu a lungchhiat a zual leh tlat, harhfim kàk lai nei lo a zú rim a nam reng thin vangin a thinrimna a thar leh; chu lohah zanlaiah " Rose" tia auchhuah a ching lehnghal!                Vanneitluangan chaw a ei luih tir thin vang erawhin tlem tlemin a ei ve mai thin bawk a, mahse; Sawmtei hna erawh tah nilena, achanga," Ka hua che ", tia Vanneitluanga aukhum nghék a ni leh mai. Engtiang chiaha Ramzotlanga awm nge an nih pawh chiang taka hriat mumal  a nei lo.,kar khat dawn lai chu an awm ve tawh a; Lunglei daih lehnghal!    ...
Read more

THAWNTHU____ Short_Story Ziaktu: Cck Lalchhuanawmi

Image
THAWNTHU___Short_Story  Ziaktu: Cck Lalchhuanawmi  Biak In chhungah chuan muangchangin an lut zel a, a nuta neihchhun kut a vawnna chu a nghet sauh sauh a; chutin a pangpar ken pawh a hmer ngawt ngawt. Hei hi an THAWNTHU intanna tura a lo suangtuah thin kha a ni a, Maicham hmaah chuan tlangval hmeltha tak leh chhelo tak hi nui sang chung hian a lo ding vang tawh mai bawk a. Vawiin zet chu nidang zawng aiin mo neitu chungah mit a fu leh thup zual ngei ang.  Tetei ke pen lai chu chawl thutin, mo neituin nghakhlel taka mo lo thlen hun thlira maicham hmaa lo ding reng chu a thlek ngawih ngawih ringawt mai a. A uin han pawh kal a tum pawh chuan a che chang eih lo a; " Tete? ", zawi sapa a uin a kohna pawh chu bengkhawn awm ang pawhin a lang lo. Mo neitu ringawt chu a thlek tawn sek mai a ni.  Ni e, hun reilote hnua a pasal ni mai tur chu a hmeltha takzet alawm; nula tam takte duhthusam kha a ni miau a, Tetei pawh hian chu chu a hai bik lo; amah taka pawh hian ...
Read more

MALSAWMSANGI-2

Image
MALSAWMSANGI-2 Ziaktu: Cck Lalchhuanawmi         Sawmtei'n " pawngsual" tia a lo tawng chhuah leh takah chuan, Khuavang kal lai kawng an kian ta emaw tih turin ; a reh thuap ta mai a. A hnu deuhah erawh Sawmtei nu chuan a fanu chu kuah thlawpin a tah khum nasa ta mai a.             Engmah a hrilh loh vang chuan a hau mawlh mawlh pah a. Mahse, thil pakhat hriat ngai a la awm tlat. Sawmtei chunga thil thalo tak titu chu!               An zawt nawn leh a, Sawmtei nu pawhin a fanu chu zaidam takin a be thei ta a. Thuchiang engmah hre lo a, kut hial a lo thlak te chu inthiam lohnain a khat nghal a.               Sawmtei pawhin chutia tantu nei tawha a inhriat takah chuan,a chunga thil thalo tak titu sawichhuah tuma kà a'n ang chiah tihah chuan,Tu emaw , rúi chhe lutuk tia sawi tur ni chiah silo; harhfím kàk tia sawi tur pawh ni chuang silo, mit sen deu...
Read more