MALSAWMSANGI-14

MALSAWMSANGI

MALSAWMSANGI-14
Ziaktu: Cck Lalchhuanawmi

 
          April thla laihawl a ni a, Vau par til tawhin April par erawhin a vanglai a chhuah tan dawn chauh thung a. 
         Sawmtei leh Vanneitluanga te pawh an rilru a inhmu tawh bawk a, tu han tihbuai phak an ni tawh lo. 
      Sawmtei chuan Vanneitluanga'n a fapa a han chhawmchhaih vel chu a thlir doh doh a. 
      Vanneitluanga pawh ama tawkah a sa a tha ve tawh a, zu a in thin laia a taksa awm dan leh tuna a taksa awm dan han khaikhin chuan a inthat hleih tawh em em a, a hmel te pawh a tha leh var tawh. 
    Sawmtei'n a vanduaina tura a ngaih chu atan vanneihna a lo ni reng a. 
      A hriatthiam phak loh hmangaihna, a ngaihtuah ngai reng reng loh pasal; Khuanu thil thlawnpek fanau malsawmna, Khuanuin fanau a pek dan erawh duhawm lo hle mah se; tawrhchhelna leh chakna a pe thung a. 
       Vanneitluanga a neih theihna kawng a ni lawi si. Vanneitluanga awm lo ta se, a nu pawhin a hre tawh ang a; mahse a nu chuan a ngaidam mai dawn nge, a naupai te chu engtin nge an tih ang tih chuan a ngaihtuahna chu a vah vel  tir a. 
         Thawklehkhatah Tu emaw thik na chuan a tuam nghal thut! 
     Rose -i kha, Vanneitluangan zanlaiah a au chhuahpui ziah kha. A la dam ang em? Lawmkima a lo lan ang khan khawi maw lai atang hian a lo lang ve thut ang em? 
      A bialnu nge ni ang a thian mai mai zawk? Mahse, thian mai mai chu a nih hmel loh bawk si! Sawmtei avanga kalsan a nih chuan Rose-i chuan lo tibuaiin, Vanneitluanga bulah Lawmkiman Sawmtei kalsan tura a tih ang khan, Sawmtei bulah Vanneitluanga kalsan turin a ti ve ang em? 
        A ngaihtuah nasa deuh a ni. Vanneitluanga koh pawh a lo hre lo; Vanneitluanga chuan, " Malsawmsangi", tih pah chuan a darah a va khawih a. 
     Sawmtei a phu zuk! 
  " Eng nge i ngaihtuah a, koh pawh i hriat loh; i tha maw? "
     " Aw, ka tha lawm", nui saih chungin a ti a. 
     A ngaihtuahnaa zawhna awm chu a zawt dawn nge zawt dawn lo tihah chuan a rilru a insual nasa mai a. 
*******
     " Kan chhungte hi kan awm bo san rei tawh i ti lo maw? ", Sawmtein a tih chuan Vanneitluanga chuan a en nghal vat a. 
     " Kum khat pawh la tlin loh hi maw ", a lo ti a. Sawmtei chuan , " Kum tlin kher a ngai hleinem, bakah... keimah vanga i chhungte nena in inhmuh thiam loh ka duh lo alawm, thil sual titu pawh i ni lo a", a ti a. 
       Vanneitluanga erawh chuan inchung lam a melh kar thung a.
    " Tluang... "
  " Awle, a nih chuan naktip velah khian Aizawlah kan kal dawn nia. Mahse, nangmah vangin ka chhungte nen kan intithiam lo lo nia aw... "
     Sawmtei chuan lu a lo buk khum a," Ngaihdam dil ngaihna te a awm a nih chuan kan dil dawn a nia. Mahse, min kalsan lo ang tih min tiam rawh", a ti a. 
      Vanneitluanga chuan, " Engtikah mah ka kalsan lo ang che u, mahse; Aizawl kan thlen hun chuan eng thil chiah nge thleng dawn tih ka sawi thei lo", a tih chuan Sawmtei chuan, " Eng thil nge thleng tur awm ang a, kei chu ka tha mai ang; ka bulah in awm tlat dawn a", a ti a. 
       " Khati tur kha, Malsawmsangi chu engtiklai pawhin huaisen takin a awm reng tur a ni", Vanneitluanga chuan a ti sak a. 
*******
      " Naktukah Aizawlah chuan kan kal dawn a nia aw, ticket pawh ka tifel tawh e", Vanneitluanga chuan a ti a. 
     Sawmtei chuan, " Awle, i huphurh lo tiraw? ", tiin a zawt a. 
     " Huphurh lo e, nangma'n i zuam phawt chuan kei chu min ngaihtuah suh"
     " Awle, awle. Dindini ka'n hrilh ang e, tlaiah chaw lo ei se la naktuk kan zin San daih dawn si a", Sawmtei chuan nui sang chung hian a ti a. 

***(  Tlawmngaia min chhiarsaktu te inchungah ka lawm em em a. Naktukah Malsawmsangi hi a tawp tawh dawn a, khawngaihtakin min lo chhiar zawh sak hram hram dawn u nia aw🤭🤭🤭) ***
       
      


Comments

Post a Comment

Popular posts from this blog

MALSAWMSANGI-3

Image
MALSAWMSANGI MALSAWMSANGI-3 Ziaktu: Cck Lalchhuanawmi          " Ka ei dawn lo ka tih chu", tih pahin dawhkana ei tur awm ho chu Sawmtei chuan a hnawl thla vek mai a. Chutah, pindanah tlan lutin na tak in pindan kawngkhar a khar ri thuai mai a; Vanneitluanga a phu zûk!               A hmai lukhamah phúmin a tap vak vak mai a. Zanin chu a lungchhiat a zual leh tlat, harhfim kàk lai nei lo a zú rim a nam reng thin vangin a thinrimna a thar leh; chu lohah zanlaiah " Rose" tia auchhuah a ching lehnghal!                Vanneitluangan chaw a ei luih tir thin vang erawhin tlem tlemin a ei ve mai thin bawk a, mahse; Sawmtei hna erawh tah nilena, achanga," Ka hua che ", tia Vanneitluanga aukhum nghék a ni leh mai. Engtiang chiaha Ramzotlanga awm nge an nih pawh chiang taka hriat mumal  a nei lo.,kar khat dawn lai chu an awm ve tawh a; Lunglei daih lehnghal!    ...
Read more

THAWNTHU____ Short_Story Ziaktu: Cck Lalchhuanawmi

Image
THAWNTHU___Short_Story  Ziaktu: Cck Lalchhuanawmi  Biak In chhungah chuan muangchangin an lut zel a, a nuta neihchhun kut a vawnna chu a nghet sauh sauh a; chutin a pangpar ken pawh a hmer ngawt ngawt. Hei hi an THAWNTHU intanna tura a lo suangtuah thin kha a ni a, Maicham hmaah chuan tlangval hmeltha tak leh chhelo tak hi nui sang chung hian a lo ding vang tawh mai bawk a. Vawiin zet chu nidang zawng aiin mo neitu chungah mit a fu leh thup zual ngei ang.  Tetei ke pen lai chu chawl thutin, mo neituin nghakhlel taka mo lo thlen hun thlira maicham hmaa lo ding reng chu a thlek ngawih ngawih ringawt mai a. A uin han pawh kal a tum pawh chuan a che chang eih lo a; " Tete? ", zawi sapa a uin a kohna pawh chu bengkhawn awm ang pawhin a lang lo. Mo neitu ringawt chu a thlek tawn sek mai a ni.  Ni e, hun reilote hnua a pasal ni mai tur chu a hmeltha takzet alawm; nula tam takte duhthusam kha a ni miau a, Tetei pawh hian chu chu a hai bik lo; amah taka pawh hian ...
Read more

MALSAWMSANGI-2

Image
MALSAWMSANGI-2 Ziaktu: Cck Lalchhuanawmi         Sawmtei'n " pawngsual" tia a lo tawng chhuah leh takah chuan, Khuavang kal lai kawng an kian ta emaw tih turin ; a reh thuap ta mai a. A hnu deuhah erawh Sawmtei nu chuan a fanu chu kuah thlawpin a tah khum nasa ta mai a.             Engmah a hrilh loh vang chuan a hau mawlh mawlh pah a. Mahse, thil pakhat hriat ngai a la awm tlat. Sawmtei chunga thil thalo tak titu chu!               An zawt nawn leh a, Sawmtei nu pawhin a fanu chu zaidam takin a be thei ta a. Thuchiang engmah hre lo a, kut hial a lo thlak te chu inthiam lohnain a khat nghal a.               Sawmtei pawhin chutia tantu nei tawha a inhriat takah chuan,a chunga thil thalo tak titu sawichhuah tuma kà a'n ang chiah tihah chuan,Tu emaw , rúi chhe lutuk tia sawi tur ni chiah silo; harhfím kàk tia sawi tur pawh ni chuang silo, mit sen deu...
Read more