MALSAWMSANGI-4

MALSAWMSANGI
 
MALSAWMSANGI-4
Ziaktu: Cck Lalchhuanawmi

               Sawmtei chu bathroom lamah a uak vak vak mai a, engmah a luakchhuak leh bawk si lo. " Malsawmsangi i tha em? ", tiin Vanneitluanga'n a lo au lang lang a. " Ka hua che, kal bol rawh ", Sawmtei'n a lo ti chu riat nawk nawk chungin choka lamah a kal phei a. 
                 Bathroom atang chuan mut mu hmu tha lo, cher kàk; dàng bil bel tak, a kut veilama venflon invuah; a dul pawh  lang lian sawt; chau tih hriat ngawih ngawih Sawmtei chu a lo chhuak tauh tauh a. 
              Vanneitluanga erawh choka lamah ama tawkin a lo phi chung thung! An in luah hi a zau hran lo nain, a te fel at reuh a; bathroom pahnih lai a awm a inthiarna nen, pakhat chu pindan chhungah a awm thung. 
             Pindan lama thawm a hriat avangin a tlan phei thuai a, Sawmtein, " I rim kha ", a lo tih nghék vangin a hnung lamah a kat dawrh nghal! 
              Bathroom kawngkhar a lo hmer ngawt ngawt mai a, Vanneitluanga'n va pan hnaiin khum lamah a hruai phei a. Sawmtei'n Vanneitluanga a luak khum nghék! 
             " Va intifai rawh", tap tiau chung hian Sawmtei chuan a ti a. Pai phei nawk nawk pui pahin Sawmtei chu khum chungah awn deuh titih hian a thuttir a, bathroom lamah a phei hnà hnà a. 
               Reilote hnuah Vanneitluanga chu towel fai hnawm deuh leh bualhlo pakhat keng chung hian a lo chhuak a. Sawmtei lo mu àwn duai kutah chuan a bualhlo ken chu a va dah a. Sawmtein lo ban vatin a kawr a hawng nghal a, a rimtui chàk chu a híp nghal vawng vawng. 
                Vanneitluanga'n Sawmtei hmai leh taksa lang thei chin chu a towel ken chuan a hrufai mawlh mawlh a. Sawmtei erawh achangin a uak leh thawt thin, bualhlo rimtui chàk leh Vanneitluanga rimtui inkah inchawlhpawlh chu engtiang tak ni ang maw! 
                  " Intifai turin ka tih che kha", zawi deuh sap hian Sawmtei chuan a ti a. Vanneitluanga'n, " Hnathawk tura chhuah ka ngai tho a, tlaiah intihfai leh ngai dawn tho", a lo ti hmuk thung. 
          " Eng hna nge i thawh, khawiah nge a? "
          "  Saw tilai lawk B. H. S. S. School- ah sawn, Science Block an sa tha a, chutah chuan "
              " Khatiang rim nena thawh an phal a mi", Sawmtei chuan a bualhlo rimtui chàk ken híp vawng vawng pah chuan a ti a. Vanneitluangan, " Malsawmsangi", a ti chiah tihah Sawmtei chu a uak leh thawt mai a; àwn deuha thu anih avangin a àwm velah chuan a chil rial a luang thla ngiai ngiai a. 
              Vanneitluanga chuan va hnaih deuh a a hruk fai zawh hnu chuan intifai turin bathroom lam chu a pan ding nghal a. Sawmtei erawh a àwm, a kut veilama dawmin a kut dinglama bualhlo a ken chu a híp leh vang vang thin a. 
                Vanneitluanga a intihfai zawh hnua, a inthlak fel hnu chuan choka lam atang ei tur, tray chungah dahin pindanah a chawi lut a. Sawmtei, mit lo chhíng vang vang chu thut that tirin ei tur a chawi luh chu a ei tir mial mial a. 
                 " Tlaiah engtin tak lo haw leh ang che maw! ", tiin Sawmtei chuan a rilruin a ngaihtuah rauh rauh a. 
                " Naktuk chu inentir turin kan kal ang ", Vanneitluanga'n a lo tichhuak hlawl chu Sawmtein a en ngawt ngawt. " Ka tha, kal a ngailo", Sawmtein a tih chuan, Vanneitluanga'n, " Malsawmsangi", a ti vin hlar. 
          " Thla 5 hmel lai a hmu ve tawh, tun thlengin a hranpaa inentirna kan la nei lo; naute pawh a ngaihtuahawm tawh, bakah nangpawh inentir that leh i ngai, i hriselna a pan a tih kha doctor-in. Tunah chuan duh lo eng ang mah la; kan kal tawh dawn ", a ti zawm leh.
           Sawmtei  erawh in, " Min ngaihtuah angailo", a lo tibul hmuk thung".
         " Hnathawk tura ka chhuah angai tawh", tia a ding hluai chu Sawmtei'n a banah lo chelh vatin; mittui tling piau chung hian, " Tluang, khawngaihtakin vawiin chu rui chungin lo haw suh aw". 
            
              
                
            
                

Comments

Post a Comment

Popular posts from this blog

MALSAWMSANGI-3

Image
MALSAWMSANGI MALSAWMSANGI-3 Ziaktu: Cck Lalchhuanawmi          " Ka ei dawn lo ka tih chu", tih pahin dawhkana ei tur awm ho chu Sawmtei chuan a hnawl thla vek mai a. Chutah, pindanah tlan lutin na tak in pindan kawngkhar a khar ri thuai mai a; Vanneitluanga a phu zûk!               A hmai lukhamah phúmin a tap vak vak mai a. Zanin chu a lungchhiat a zual leh tlat, harhfim kàk lai nei lo a zú rim a nam reng thin vangin a thinrimna a thar leh; chu lohah zanlaiah " Rose" tia auchhuah a ching lehnghal!                Vanneitluangan chaw a ei luih tir thin vang erawhin tlem tlemin a ei ve mai thin bawk a, mahse; Sawmtei hna erawh tah nilena, achanga," Ka hua che ", tia Vanneitluanga aukhum nghék a ni leh mai. Engtiang chiaha Ramzotlanga awm nge an nih pawh chiang taka hriat mumal  a nei lo.,kar khat dawn lai chu an awm ve tawh a; Lunglei daih lehnghal!    ...
Read more

THAWNTHU____ Short_Story Ziaktu: Cck Lalchhuanawmi

Image
THAWNTHU___Short_Story  Ziaktu: Cck Lalchhuanawmi  Biak In chhungah chuan muangchangin an lut zel a, a nuta neihchhun kut a vawnna chu a nghet sauh sauh a; chutin a pangpar ken pawh a hmer ngawt ngawt. Hei hi an THAWNTHU intanna tura a lo suangtuah thin kha a ni a, Maicham hmaah chuan tlangval hmeltha tak leh chhelo tak hi nui sang chung hian a lo ding vang tawh mai bawk a. Vawiin zet chu nidang zawng aiin mo neitu chungah mit a fu leh thup zual ngei ang.  Tetei ke pen lai chu chawl thutin, mo neituin nghakhlel taka mo lo thlen hun thlira maicham hmaa lo ding reng chu a thlek ngawih ngawih ringawt mai a. A uin han pawh kal a tum pawh chuan a che chang eih lo a; " Tete? ", zawi sapa a uin a kohna pawh chu bengkhawn awm ang pawhin a lang lo. Mo neitu ringawt chu a thlek tawn sek mai a ni.  Ni e, hun reilote hnua a pasal ni mai tur chu a hmeltha takzet alawm; nula tam takte duhthusam kha a ni miau a, Tetei pawh hian chu chu a hai bik lo; amah taka pawh hian ...
Read more

MALSAWMSANGI-2

Image
MALSAWMSANGI-2 Ziaktu: Cck Lalchhuanawmi         Sawmtei'n " pawngsual" tia a lo tawng chhuah leh takah chuan, Khuavang kal lai kawng an kian ta emaw tih turin ; a reh thuap ta mai a. A hnu deuhah erawh Sawmtei nu chuan a fanu chu kuah thlawpin a tah khum nasa ta mai a.             Engmah a hrilh loh vang chuan a hau mawlh mawlh pah a. Mahse, thil pakhat hriat ngai a la awm tlat. Sawmtei chunga thil thalo tak titu chu!               An zawt nawn leh a, Sawmtei nu pawhin a fanu chu zaidam takin a be thei ta a. Thuchiang engmah hre lo a, kut hial a lo thlak te chu inthiam lohnain a khat nghal a.               Sawmtei pawhin chutia tantu nei tawha a inhriat takah chuan,a chunga thil thalo tak titu sawichhuah tuma kà a'n ang chiah tihah chuan,Tu emaw , rúi chhe lutuk tia sawi tur ni chiah silo; harhfím kàk tia sawi tur pawh ni chuang silo, mit sen deu...
Read more