MALSAWMSANGI-5

MALSAWMSANGI

MALSAWMSANGI -5
Ziaktu: Cck Lalchhuanawmi

          
            Chumi niléng chuan Sawmtei chuan a ngaihtuahna a kawm rauh rauh a. A nuin a kuah kha a thlahlel leh em em mai a," Ka nu, tunah  hian ka bulah awm la ka va ti tak em... ", a ti vawng vawng mai a. Khami zan anga lúngchim taka a kuah ngai loh vangin a nu chu a ngaih a zual  sawt a. 
             A lungngaihna leh a lawmna te, a manganna thu te; leh a nuin ngaihsak tha tawk loa a hriatna te, engkim a hrilh ngamna; dawhthei taka ngaithlatu leh lúngchim taka kuaha, " Engkim a tha leh vek mai ang", tia hrilh a ; atana awm reng thin Lawmkima a ngaihtuah chhuak lo thei lo. A nu a ngaih aia nasain a ngai vawng vawng. 
              Inthen a duh thu a hrilh laia Lawmkima hmel hamhaih lutuk leh, ngaihzawng dang a neih thu a hrilh lai hmel khawngaihthlak lutuk mai te chu a mitthlaah an lang zut zut mai a. 
              Kalsan lo tura a ngen lawm lawmna thute chu a bengah an lo ri thar leh a. 
           Pawl sawmpahnih a zir zawh hnua Lawmkima college kal naa kal ve tura an intiam laite a ngaihtuah rauh rauh a, a dam loh nikhua pawha buaipuitu ber leh chi ai thei ber a ni si a. 
            Kha zan khan Vanneitluanga lang lo sela chuan, a nu leh midang te pawhin a chunga thil thalo tak titu an hria ang a; tunah pawh hian a nu thlazarna hnuaiah him takin a awm mai tur. 
              Nge ni a Lawmkima kha dawt hmanga inthen a duh thu sawi loin engkim hrilh zawk ang sela, Lawmkiman a pawm thei ang em? Nge ni a a kalsan zawk ang? 
             " A dik, hlutna leh thianghlimna pawh nei tawh lo hi tuin nge ' Mi Thianghlim' ang maiin en thei ang? ", a rilruin a ti nuah nuah a. A inhnít leh feih feih thin. 
                Tenawm leh bawlhhlawh ang maia a inngaihna chuan a rilru a titawt lehzual a, chuta karah nau a la pai zui! 
                 Vanduai bika inngaihna chuan a tuam nghal a, thawk a la halh halh. Chutah a duhlo chunga, a taksa; dimna tel hauh lo leh duhtawka suasam anihna chu a rawn thar leh. 

*********** 

                 " Chakna damdawi i mamawh anih kha", tiin Vanneitluanga chu fiamin an nui dar dar hlawm a. Sawmtein, "Tluang", tia a kohna chuan chakna damdawi  in turin a kà a tih chhihsak tlat. 
                Sawmtein, " Tluang", tia a kohna chuan a rilru a hneh takzet, ngenna leh beiseina a tel tlat avangin. Tu emawin, " Tluang ", tia a kohna thin chu a bengah a ri zawm leh zat. " Rose", tiin a phun sep a. 
                  Chumi nía a hnathawh chu a thatho loin, a hna a sàwtlo em em mai bawk a. A thawhpui te chuan fiam nan tak an hmang leh thin a, thaibawih dawn riaua a hriat thu tein an fiam a. 
           " Nupuite kam khat tawh hi chu na deuh mai sin", Vanneitluanga a lo khi suk.
              " Dik chiah kan chakna damdawi ve ber leina turte min han pe duh lo hi chu..... ", an ti a, an nui dar dar hlawm a. Vanneitluanga pawhin a haw lemlo, a nui liam ve mai mai zel a. 
             An sawi dik, a nupui Sawmtein a kam khat miau! Mahse, àwka vin ni loin dam diai leh ngenna ràwl a ni zawk ang chu. Mahse, a leina tur erawh ama tum a ni ve thung. 
                Hnathawh ban a lo hun chuan, inmangtha liam liamin mahni in lamah theuh chuan an haw sang sang hlawm a. Vanneitluanga pawh a haw ve hnà hnà mai, mahse; a tiríl khurin Sawmtei a hmachhawn tur chu a zam ngang mai. 
                 " Malsawmsangi, tuna ka awmdan hi chu ka duh lo; Rose...Rose", a sam chu a kut pahnihin a tham tawn tawn mai a. Sap Tuikhur bula thutna hmun an siamah chuan thuin a inngaihtuah rauh rauh a. 
                 A thawhpuite bulah rui loin awmin hmachhawn tho mah se, rui chunga haw lo tura ngentu a hmachhawn hunin engtin nge a lo chhawn let ang; rui chunga a haw loh avangin lawmthu a hrilh dawn nge engtin nge a lo tih ang? 




















                
                
            

                 
             
      

Comments

Post a Comment

Popular posts from this blog

MALSAWMSANGI-3

Image
MALSAWMSANGI MALSAWMSANGI-3 Ziaktu: Cck Lalchhuanawmi          " Ka ei dawn lo ka tih chu", tih pahin dawhkana ei tur awm ho chu Sawmtei chuan a hnawl thla vek mai a. Chutah, pindanah tlan lutin na tak in pindan kawngkhar a khar ri thuai mai a; Vanneitluanga a phu zûk!               A hmai lukhamah phúmin a tap vak vak mai a. Zanin chu a lungchhiat a zual leh tlat, harhfim kàk lai nei lo a zú rim a nam reng thin vangin a thinrimna a thar leh; chu lohah zanlaiah " Rose" tia auchhuah a ching lehnghal!                Vanneitluangan chaw a ei luih tir thin vang erawhin tlem tlemin a ei ve mai thin bawk a, mahse; Sawmtei hna erawh tah nilena, achanga," Ka hua che ", tia Vanneitluanga aukhum nghék a ni leh mai. Engtiang chiaha Ramzotlanga awm nge an nih pawh chiang taka hriat mumal  a nei lo.,kar khat dawn lai chu an awm ve tawh a; Lunglei daih lehnghal!    ...
Read more

THAWNTHU____ Short_Story Ziaktu: Cck Lalchhuanawmi

Image
THAWNTHU___Short_Story  Ziaktu: Cck Lalchhuanawmi  Biak In chhungah chuan muangchangin an lut zel a, a nuta neihchhun kut a vawnna chu a nghet sauh sauh a; chutin a pangpar ken pawh a hmer ngawt ngawt. Hei hi an THAWNTHU intanna tura a lo suangtuah thin kha a ni a, Maicham hmaah chuan tlangval hmeltha tak leh chhelo tak hi nui sang chung hian a lo ding vang tawh mai bawk a. Vawiin zet chu nidang zawng aiin mo neitu chungah mit a fu leh thup zual ngei ang.  Tetei ke pen lai chu chawl thutin, mo neituin nghakhlel taka mo lo thlen hun thlira maicham hmaa lo ding reng chu a thlek ngawih ngawih ringawt mai a. A uin han pawh kal a tum pawh chuan a che chang eih lo a; " Tete? ", zawi sapa a uin a kohna pawh chu bengkhawn awm ang pawhin a lang lo. Mo neitu ringawt chu a thlek tawn sek mai a ni.  Ni e, hun reilote hnua a pasal ni mai tur chu a hmeltha takzet alawm; nula tam takte duhthusam kha a ni miau a, Tetei pawh hian chu chu a hai bik lo; amah taka pawh hian ...
Read more

MALSAWMSANGI-2

Image
MALSAWMSANGI-2 Ziaktu: Cck Lalchhuanawmi         Sawmtei'n " pawngsual" tia a lo tawng chhuah leh takah chuan, Khuavang kal lai kawng an kian ta emaw tih turin ; a reh thuap ta mai a. A hnu deuhah erawh Sawmtei nu chuan a fanu chu kuah thlawpin a tah khum nasa ta mai a.             Engmah a hrilh loh vang chuan a hau mawlh mawlh pah a. Mahse, thil pakhat hriat ngai a la awm tlat. Sawmtei chunga thil thalo tak titu chu!               An zawt nawn leh a, Sawmtei nu pawhin a fanu chu zaidam takin a be thei ta a. Thuchiang engmah hre lo a, kut hial a lo thlak te chu inthiam lohnain a khat nghal a.               Sawmtei pawhin chutia tantu nei tawha a inhriat takah chuan,a chunga thil thalo tak titu sawichhuah tuma kà a'n ang chiah tihah chuan,Tu emaw , rúi chhe lutuk tia sawi tur ni chiah silo; harhfím kàk tia sawi tur pawh ni chuang silo, mit sen deu...
Read more