MALSAWMSANGI-6

MALSAWMSANGI

MALSAWMSANGI-6
Ziaktu: Cck Lalchhuanawmi 

           " Vana chu i lo haw tawh ni maw", an in luahna neitunu nu Mamuan tia an koh thin mai chuan a lo ti a. Vanneitluanga chuan, " Engthil nge ni ta a? ", mak tih hriat tak hian a lo ti a. Nu Mamuani mai ni lo an pa Pa Rema an tih mai nena a hmu dun chu mak a ti em em a.
             Nu Mamuani te hian an inhnuai hi luah thei turin an siam a, chu chu Vanneitluanga te hian an luah ta a ni. Sap Tuikhur atang a hla vak lo bawk. 
            " In nu hi vawiin khan car hmaah inbarhluh a tum a, in inkar hi eng ang chiah nge maw a nih le aw? ", tia Pa Reman a'n ti chu Vanneitluanga a meng phar kàwk! 
          Nu Mamuani chuan, " Tap hluah hluah chung khan a lo chho ta mai sia, hei kan In kawt lawkah hian  car lo tlan lai kha ni bawk nen inbarhluh kha a tum ta mai sia kan va dang hman hram alawm i Pa Rema nen hian", a lo ti ve bawk. 
            Vanneitluanga erawh a indawmkún tlawk tlawk thung, "Ka lawm lutuk ", hah hmel tak hian a ti a. 
           Nu Mamuani chuan, " Engthil pawh lo ti ula, siamthat theih a ni tawh lo a; ka sawi awmzia chu inneih pangngaia innei in nih ka lo ring lo ve ringawt a. Tunah chuan hei nun thar leh hun tharin hmang tawh ula, bakah naupai lai hi hmeichhe tan chuan kan pangchan hun lai a ni ve a; pasal te hnen atang hmangaihna leh ngaihsakna nasa tak, a hma aia nasain kan mamawh a. 
              Rui haw khum rengte hi a tha lo, naute leh a nu tan pawh a hrisel lo lutuk; mahse, hei zanin chu i lo rui haw lo a i ti tha lutuk nia, tiang hian awm zel rawh", a ti a. 
        " Engthil chiah nge thleng chu kan hre lo nain, nang chu pasal i ni tawh a Pa pawh la ni tawh mai tur i nia; pachang tak leh huai taka i awm angai a ni. 
          Mipa ber hetianga kan awm tlat chuan nupui fanau te tan a luhai thlak dawn lutuk emai. Sum thawk chhuaktu pawh ni ila kan hman chhuahna ber kan nawmna tur chauha kan hman hi a tha lo. 
           Mipain thu kan tiam emaw mawhphurhna kan koa nghah a nih chuan tlanchhe mai lovin kan hmachhawn ngei tur a ni", Pa Rema chuan a lo tih zawm a. 
             Vanneitluanga'n, " Awle, ka lo hria ang e", a ti sup. Nu Mamuanin Vanneitluanga hawi kual a hmuh chuan, " In nu chu a mu ta nih kha nachin deuh lawk khan, tisawn mu rih rawh se; a chauh hmel si a, hahdam a mamawh tak zet zet a ni. 
          Vana, ka sawi leh duh chu tunah chuan a neihchhun tak meuh meuh i ni tawh a nia aw, nu leh pa thlazar hnuai leh hmuh phak loha awm in ni tawh a; chak takin han awm teh", a ti thlawt mai a. 
          Vanneitluanga chuan indawmkun tlawk tlawk chung hian, " Awle", a ti a. 
           Pa Rema chuan tho tuah tuah chung hian, " Titeh, keini pawh han chho ve tawh ang hmiang", a ti a. 
            Pa Rema leh Nu Mamuani te an chhuah tak hnu chuan pindanah chuan lutin, Sawmtei tui taka lo mu chiah chiah chu abulah thuin a thlir vawng vawng mai a. Nu Mamuanin Sawmtei awmdan a hrilh chu ngaihtuah zawmin inthiam lohnain a khat nghal. 
            
           
            
          
            
            
            
             

Comments

Post a Comment

Popular posts from this blog

MALSAWMSANGI-3

Image
MALSAWMSANGI MALSAWMSANGI-3 Ziaktu: Cck Lalchhuanawmi          " Ka ei dawn lo ka tih chu", tih pahin dawhkana ei tur awm ho chu Sawmtei chuan a hnawl thla vek mai a. Chutah, pindanah tlan lutin na tak in pindan kawngkhar a khar ri thuai mai a; Vanneitluanga a phu zûk!               A hmai lukhamah phúmin a tap vak vak mai a. Zanin chu a lungchhiat a zual leh tlat, harhfim kàk lai nei lo a zú rim a nam reng thin vangin a thinrimna a thar leh; chu lohah zanlaiah " Rose" tia auchhuah a ching lehnghal!                Vanneitluangan chaw a ei luih tir thin vang erawhin tlem tlemin a ei ve mai thin bawk a, mahse; Sawmtei hna erawh tah nilena, achanga," Ka hua che ", tia Vanneitluanga aukhum nghék a ni leh mai. Engtiang chiaha Ramzotlanga awm nge an nih pawh chiang taka hriat mumal  a nei lo.,kar khat dawn lai chu an awm ve tawh a; Lunglei daih lehnghal!    ...
Read more

THAWNTHU____ Short_Story Ziaktu: Cck Lalchhuanawmi

Image
THAWNTHU___Short_Story  Ziaktu: Cck Lalchhuanawmi  Biak In chhungah chuan muangchangin an lut zel a, a nuta neihchhun kut a vawnna chu a nghet sauh sauh a; chutin a pangpar ken pawh a hmer ngawt ngawt. Hei hi an THAWNTHU intanna tura a lo suangtuah thin kha a ni a, Maicham hmaah chuan tlangval hmeltha tak leh chhelo tak hi nui sang chung hian a lo ding vang tawh mai bawk a. Vawiin zet chu nidang zawng aiin mo neitu chungah mit a fu leh thup zual ngei ang.  Tetei ke pen lai chu chawl thutin, mo neituin nghakhlel taka mo lo thlen hun thlira maicham hmaa lo ding reng chu a thlek ngawih ngawih ringawt mai a. A uin han pawh kal a tum pawh chuan a che chang eih lo a; " Tete? ", zawi sapa a uin a kohna pawh chu bengkhawn awm ang pawhin a lang lo. Mo neitu ringawt chu a thlek tawn sek mai a ni.  Ni e, hun reilote hnua a pasal ni mai tur chu a hmeltha takzet alawm; nula tam takte duhthusam kha a ni miau a, Tetei pawh hian chu chu a hai bik lo; amah taka pawh hian ...
Read more

MALSAWMSANGI-2

Image
MALSAWMSANGI-2 Ziaktu: Cck Lalchhuanawmi         Sawmtei'n " pawngsual" tia a lo tawng chhuah leh takah chuan, Khuavang kal lai kawng an kian ta emaw tih turin ; a reh thuap ta mai a. A hnu deuhah erawh Sawmtei nu chuan a fanu chu kuah thlawpin a tah khum nasa ta mai a.             Engmah a hrilh loh vang chuan a hau mawlh mawlh pah a. Mahse, thil pakhat hriat ngai a la awm tlat. Sawmtei chunga thil thalo tak titu chu!               An zawt nawn leh a, Sawmtei nu pawhin a fanu chu zaidam takin a be thei ta a. Thuchiang engmah hre lo a, kut hial a lo thlak te chu inthiam lohnain a khat nghal a.               Sawmtei pawhin chutia tantu nei tawha a inhriat takah chuan,a chunga thil thalo tak titu sawichhuah tuma kà a'n ang chiah tihah chuan,Tu emaw , rúi chhe lutuk tia sawi tur ni chiah silo; harhfím kàk tia sawi tur pawh ni chuang silo, mit sen deu...
Read more