MALSAWMSANGI

MALSAWMSANGI—1 
 
Ziaktu: Cck Lalchhuanawmi 


               " Tu fa nge ni? Tunge a pa chu ni a, sawi rawh khatia ngawi reng lo khan", tiin Sawmtei nu chuan Sawmtei chu a zawt a. Sawmtei erawh a ngawi reng a, a tap faih faih reng thung a. Zan dar 10 lai ni tawh mah se; Sawmte'in thla thum mi nau a pai tih an hriat chhuah hun a ni miau si a. 
         Sawmtei nu thinrim chuan a fanu engmah sawi duh loa thu ngawi kara, inhnít feih feih reng chu; achangin kut a'n thlak leh hrih a. Sawmtei erawh a nu tih dan ang ang chuan a awm mawl tawp bawk nen. Sawmtei nu hi tawng duh ve tak,awrawl tawp tawpa au ta emaw tia tawng ring a ni a;a thawm chuan thenawm khawvengte chu a ko lo thei lo. 
       Upa lam deuhte an awm ve tak hnu chuan a nu pawh a inbengdai ve tial tial a. Sawmtei pa erawh a tir atang rengin thutthlengah kut inkuangkuaha hnuai lam bih ngurin fel takin a thu thlap a,pa ngawichawi tak anih vang nge thu kam khat lek pawh a chhak chhuak lo a; a ngawi reng thung.
        Sawmtei chu upa lam lo awm ve te chuan zaidam taka biain an han zawt tan ve a, mahse; Sawmtei erawh lungtum ang chiah! A ngawi reng thung. Ngawichawi, zakzum tia sawi tur chu a ni lem lo, a nu anglo takin tawng duh tak a ni lo a, a aw kí pawh a sang heklo; mahse, titi puiah erawh a tlakin a tawngkam a damin a fel thlap thung lawi si. Nu zém mai, hmeltha tak tia sawi tur ni lo mah se; hmel vantlang lam niin, ngo lem lo tak a ni bawk. 
            A hnar ngúl a sang vah mai bawk a. A san lam chu vantlàng pawl tak, harhvang tia sawi tur ni lo mah se; a tuan erawh a tha thung. 
          A nu pawh chuan," Sawi rawh Malsawmsang, " sehchilh deuh tak aw khúr hlawk hlawk chungin a'n ti leh a. Eng thu mah Sawmtei kà atang a chhuak chuanglo. 
           Inchhúng lama awm ve lo, pawn lama thenawm nu te lo awm khawm thawm pawh a rukin a tha narawh e..... 
      " Enteh, hmanni lawka lo awm thar ve si nasa reuh phian a, an fanu chu".
     " Kum hnih chu nih ve reng tawh hi".
     " Kum 19 chauh lehnghal".
     " Pawl sawmpahnih a zir mek ni lawm ni kha? ".
      " Pawnlam lan dan hi lo ni lo, fel viau turah ka lo ngai hman a, a ngainatawm ka lo ti sin ".
        " Tu mipa tak chu ni ang maw? ".
       " A ruka thiltih a thiam hle nih dawn hi".
         Sawmtei nu tihngaihna hrelo chuan ngaihdam te dilin tin san mai turin a hrilh ta hlawm ringawt a.A thinrim insum zolo chuan thenawm khawvengte'n an hrelo palh ang e ti ni awm tak a, a fanu a ànkhum chu a inthiamlo letling hial zawk a. 
        Sawmtei pa bulah chuan, " Nang pawh hi eng nge maw i hriat a i ngawih reng le ", tiin a hau mawlh mawlh a. Chutah, Sawmtei chu tí deuh chungin leh khúr deuh titih hian, " Min... Min... ", tiin a lo tawng chhuak hlawl mai a. 
          Haw tuma ding uai tawh  ho pawh an ding nghal chat mai a, pawh din ang maiin. Sawmtei nu chuan tawngkam ném deuh zawkin , " Sawmte, eng nge ni ", a ti a. Sawmtei erawh ahma aiin a tí emaw tih turin a awm a. A ke tawmkhawm vek a, a kà hupin a tap nasa ta mai a. 
         "Sawmte, min hrilh rawh eng nge i chungah thleng", hlauthawng titih hian a nu chuan a zawt a. 
              " Pawngsual......".



CHHUNZAWM ZÉL TUR( PU RCA CHHANGTE ÀWPHAWIIN🤭🤭) 
       
          
            

Comments

Post a Comment

Popular posts from this blog

MALSAWMSANGI-3

Image
MALSAWMSANGI MALSAWMSANGI-3 Ziaktu: Cck Lalchhuanawmi          " Ka ei dawn lo ka tih chu", tih pahin dawhkana ei tur awm ho chu Sawmtei chuan a hnawl thla vek mai a. Chutah, pindanah tlan lutin na tak in pindan kawngkhar a khar ri thuai mai a; Vanneitluanga a phu zûk!               A hmai lukhamah phúmin a tap vak vak mai a. Zanin chu a lungchhiat a zual leh tlat, harhfim kàk lai nei lo a zú rim a nam reng thin vangin a thinrimna a thar leh; chu lohah zanlaiah " Rose" tia auchhuah a ching lehnghal!                Vanneitluangan chaw a ei luih tir thin vang erawhin tlem tlemin a ei ve mai thin bawk a, mahse; Sawmtei hna erawh tah nilena, achanga," Ka hua che ", tia Vanneitluanga aukhum nghék a ni leh mai. Engtiang chiaha Ramzotlanga awm nge an nih pawh chiang taka hriat mumal  a nei lo.,kar khat dawn lai chu an awm ve tawh a; Lunglei daih lehnghal!    ...
Read more

THAWNTHU____ Short_Story Ziaktu: Cck Lalchhuanawmi

Image
THAWNTHU___Short_Story  Ziaktu: Cck Lalchhuanawmi  Biak In chhungah chuan muangchangin an lut zel a, a nuta neihchhun kut a vawnna chu a nghet sauh sauh a; chutin a pangpar ken pawh a hmer ngawt ngawt. Hei hi an THAWNTHU intanna tura a lo suangtuah thin kha a ni a, Maicham hmaah chuan tlangval hmeltha tak leh chhelo tak hi nui sang chung hian a lo ding vang tawh mai bawk a. Vawiin zet chu nidang zawng aiin mo neitu chungah mit a fu leh thup zual ngei ang.  Tetei ke pen lai chu chawl thutin, mo neituin nghakhlel taka mo lo thlen hun thlira maicham hmaa lo ding reng chu a thlek ngawih ngawih ringawt mai a. A uin han pawh kal a tum pawh chuan a che chang eih lo a; " Tete? ", zawi sapa a uin a kohna pawh chu bengkhawn awm ang pawhin a lang lo. Mo neitu ringawt chu a thlek tawn sek mai a ni.  Ni e, hun reilote hnua a pasal ni mai tur chu a hmeltha takzet alawm; nula tam takte duhthusam kha a ni miau a, Tetei pawh hian chu chu a hai bik lo; amah taka pawh hian ...
Read more

MALSAWMSANGI-2

Image
MALSAWMSANGI-2 Ziaktu: Cck Lalchhuanawmi         Sawmtei'n " pawngsual" tia a lo tawng chhuah leh takah chuan, Khuavang kal lai kawng an kian ta emaw tih turin ; a reh thuap ta mai a. A hnu deuhah erawh Sawmtei nu chuan a fanu chu kuah thlawpin a tah khum nasa ta mai a.             Engmah a hrilh loh vang chuan a hau mawlh mawlh pah a. Mahse, thil pakhat hriat ngai a la awm tlat. Sawmtei chunga thil thalo tak titu chu!               An zawt nawn leh a, Sawmtei nu pawhin a fanu chu zaidam takin a be thei ta a. Thuchiang engmah hre lo a, kut hial a lo thlak te chu inthiam lohnain a khat nghal a.               Sawmtei pawhin chutia tantu nei tawha a inhriat takah chuan,a chunga thil thalo tak titu sawichhuah tuma kà a'n ang chiah tihah chuan,Tu emaw , rúi chhe lutuk tia sawi tur ni chiah silo; harhfím kàk tia sawi tur pawh ni chuang silo, mit sen deu...
Read more